Umhverfisnefnd stóð fyrir ruslatínslu í gær þar sem tínt var upp rusl meðfram þjóðveginum frá Hólkoti og langleiðina suður að Máskoti annars vegar og hins vegar frá Stóru-Laugum og að þjóðveginum við Hamra, en grunnskólanemendur höfðu í síðustu viku tínt upp rusl á skólasvæðinu á Laugum og norður að Stóru-Laugum. Einnig tíndu nokkrir upp rusl á Fljótsheiðinni.

Alls tóku 50 manns þátt í þetta skiptið og hafa sjaldan verið fleiri. Örlítil rigning féll úr lofti en að öðru leiti var afar gott veður. Þátttakendur voru afar duglegir og tíndu upp mikið magn af rusli.

Að lokinni ruslatínslu var svo boðið til grillveislu í Breiðumýri þar sem allir fengu pylsur og drykki.

Umhverfisnefnd Umf. Eflingar vill þakka öllum þeim sem mættu kærlega fyrir. Þetta var frábær dagur.

Hægt er að sjá fleiri myndir á facebook síðunni; Ungmennafélagið Efling

IMG_9589 IMG_9594 IMG_9600 IMG_9607 IMG_9625

Hnikarr og Kúti handsala samninginn
Hnikarr og Kúti handsala samninginn

Í vikunni skrifuðu stéttarfélagið Framsýn og Umf. Efling undir 1 árs samstarfssamning sín á milli. Framsýn verður þar með hluti af Skjaldborg Umf. Eflingar og einn af aðalstyrktaraðilum félagsins næsta árið.

Það voru þeir Aðalsteinn ,,Kúti“ Baldursson, formaður Framsýnar, og Andri Hnikarr, formaður Umf. Eflingar sem skrifuðu undir samninginn. Í leiðinni var skrifað undir kjarasamning vegna ráðningar framkvæmdarstjóra hjá Umf. Eflingu.

Við bjóðum stéttarfélagið Framsýn velkomið í Skjaldborgina.Framsýn

IMG_9502
Skrifað undir samninginn

Umf. Efling og Sparisjóður Suður-Þingeyinga undirrituðu í dag samstarfssamning sín á milli. Sparisjóðurinn er þar með orðinn partur af Skjaldborg Umf. Eflingar og verður því einn af aðalstyrktaraðilum félagsins næstu 12 mánuði. Það voru þau Anna Karen Arnarsdóttir, sparisjóðsstjóri, og Andri Hnikarr, formaður Umf. Eflingar, sem skrifuðu undir samninginn.

 

 

IMG_9497

Sparisjóður